martes, 18 de marzo de 2025

Usalsoloko binakako duatloi esprinta


Joan den igandean ospatu zen Usansoloko binakako duatloia. Esprint distantzian lehiatu zen eta Euskadiko txapelketa ere izan zen.

Alde batetik, sexu bereko binakako lehian, Ander Larrañaga eta Iker Etxeberria hamabostgarren sailkatu ziren eta Euskadiko hamahirugarren, 1h10'16''ko denbora lortuz helmugan. Bestalde, Jose Antonio Circujano eta Maider Oteiza modalitate mistoan lehiatu ziren eta hamalaugarren sailkatu ziren 1h19'16''ko denbora eginez. Euskadiko hamabigarren bikote mistorik onenak izan ziren.


 

miércoles, 12 de marzo de 2025

Añorgako duatloia

Joan den larunbatean ospatu zen Añorgan Gipuzkoako distantzia esprinteko txapelketa.Vanessak lehendabiziko postua lortu zuen emakumezkoen beterano 1 mailan eta ondorioz beterano 1 mailako sailkapen orokorra eta Gipuzkoako Txapelketa bereganatu zituen. Zorionak Vanessa! 🎉
🏅Vanessa Cerrajero (bet1)








jueves, 27 de febrero de 2025

Mungiako Duatloia




🟢⚪️⚫️
Joan den larunbatean eman genion hasiera 2025garren urteko Euskadiko Duatloi denboraldiari Mungian (Bizkaia). Bertan, bost taldekide izan genituen esprint distantziako duatloian lehian.

Vanessak lehendabiziko postua lortu zuen emakumezkoen beterano 1 mailan. Zorionak Vanessa! 🎉
🏅Vanessa Cerrajero

Taldeka, 11. amaitu genuen helmugaratutako 15 taldetatik.


#azkoitri #azkoitia #azpeitia #triatloi #duatloi #inisaautomation #txintxugozotegia #biele #sidenor #errotaundi #domusateknik
 

 

martes, 25 de febrero de 2025

2025 denboraldia martxan!


11 lizentziarekin hasi du sasoi berria Azkoitiko triatloi klubak, baina hemezortzira iristea espero du. Aurreko asteburuan Vianako duatloian aritu ziren kide batzuk eta gaur Mungian estreinatuko dira beste batzuk. Azkoitiko duatloiak ere badu data: maiatzaren 17an egingo dute.

Azkoitri martxan da berriro. Gaur, Euskadiko duatloi zirkuitua hasiko den egun berean, eta ohitura bihurtu den legez, Oteizaren zazpi frontoietan elkartu dira Azkoitiko triatloi eta duatloi klubeko kideak goizean, aurtengo taldea aurkezteko.

11 lizentziarekin ekingo dio Azkoitrik denboraldiari, baina "gutxienez" hemezortzi izatera iristea aurreikusten dute. Maialen Azpiazuk, esaterako, 2023-2024 denboraldian "maila oso ona eman" ondoren, Peñota Dental Alusigma taldera egin du jauzi.

Udarekin iritsiko diren triatloien aurretik, duatloi denboraldian buru-belarri ibiliko dira datozen hilabeteetan Azkoitriko kideak. Hain zuzen ere, gaur hasiko da Araba, Bizkai eta Gipuzkoako duatloi zirkuitua, Mungian (Bizkaia), eta han lehiatuko dira Azkoitriko Iker Etxeberria debutaria, Ignacio Cruz Larrañaga, Ander Larrañaga, Vanessa Cerrajero eta Haritz Iturzaeta. Esprint distantziako duatloia izango da Mungiakoa: bost kilometro korrika, 20 bizikletan, eta berriro korrika bi kilometro eta erdi egin beharko dituzte kirolariek.

Gaur Mungian arituko direnetatik hiruk aurreko asteburuan estreinatu zuten denboraldia. Euskadiko Triatloi Federazioak antolatutako zirkuitutik kanpo, Vianako (Nafarroa) distantzia erdiko duatloian aritu ziren Larrañaga aita-semeak eta Etxeberria.

Duatloi denboraldiari hasiera Vianan


Azkoitrik joan den asteburuan hasi zuen duatloi denboraldia, Vianako Printzerrian (Nafarroa) jokatu zen distantzia erdiko duatloian parte hartuta. Etxeberria eta Larrañaga podiumera igo ziren.

Joan den igandean hasi zuen Azkoitri triatloi klubak 2025eko denboraldia, Vianako (Nafarroa) distantzia erdiko duatloia izan baitziren Ignacio Cruz Larrañaga eta Ander Larrañaga aita-semeak eta debut eguna zuen Iker Etxeberria.

Aurrena, 11 kilometro egin behar izan zituzten korrika, ondoren 44 kilometro bizikletan, eta azkenik, 6 kilometro berriro korrika. Iker Etxeberria eta Ignacio Cruz Larrañaga podiumera igo ziren, gainera. 23 urtez azpikoen mailan bigarren sailkatu zen Etxeberria, eta beteranoen hirugarren mailan hirugarren sailkatu zen Larrañaga.


domingo, 22 de diciembre de 2024

Gabon zoriontsuak pasa ditzazuela

 

Azkoitri Triatloi Kluba osatzen dugunon partez, 𝙜𝙖𝙗𝙤𝙣 𝙯𝙤𝙧𝙞𝙤𝙣𝙩𝙨𝙪𝙖𝙠 pasa ditzazuela. ②⓪②⑤ean ere, osasuna lagun, jarritako helburuak betetzea opa dizuegu💯

lunes, 16 de diciembre de 2024

Gipuzkoako duatloi eta triatloi txapelketako sari banaketa


Joan den ostiralean Gipuzkoako duatloi eta triatloi txapelketetako sari banaketa ekitaldia ospatu zen Donostiako Kirol Etxean. Bertan, hainbat taldekide izan dira sarituak


Duatloi esprinta (Zizurkil) 🏃🚴‍♂️🏃
🥉Vanessa Cerrajero Beterano 1 mailan
🥉Ignacio Cruz Larrañaga Beterano 2 mailan

Triatloi esprinta (Zumaia) 🏊‍♂️🚴‍♂️🏃‍♂️
🥈Vanessa Cerrajero Beterano 1 mailan
🥉Haritz Iturzaeta 23 urtez azpitik mailan

Triatloi Olinpikoa (Donostia) 🏊‍♂️🚴‍♂️🏃‍♂️
🥉Javier Eguiguren 23 urtez azpitik
🥈Aitor Sotil Beterano 1 mailan
🥉Alex Arrieta Beterano 1 mailan
🥈Jose Antonio Circujano Beterano 2 mailan

Zorionak taldekide guztiei!👏